A Asociación Micolóxica Naturalista “Liboreiro” de Bueu é unha organización sen ánimo de lucro que naceu co obxectivo de profundizar no coñecemento dos fungos e da divulgación dese coñecemento a todas aquelas persoas da nosa comarca interesadas no tema.

Ao longo dos anos véñense facendo actividades como As Xornadas Micolóxicas de outono e primavera, Romaría Micolóxica, saídas ao monte, identificación de especies, etc.

Hoxe en día a actividade limítase á organización das Xornadas Micolóxicas de outono e algunhas saídas ao monte.

De todos os xeitos, a nosa intención é a de xuntar un bo grupo de xente interesada e retomar este tema para poder voltar á dinámica do pasado e ter unha actividade máis ampla ao longo do ano.

Por outro lado, tamén cabe destacar que os nosos obxectivos non só se encadran no mundo da micoloxía, xa que estamos interesados tamén en outros temas relacionados coa natureza, coas súas especies, e cos seus ecosistemas.